ឯកត្ដម ញ៉ែម សាម៉ន លេខាធិការក្រុមសមាជិកព្រឹទ្ធសប្រចាំភូមិភាគទី៨ បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំកោះសំពាយ ព្រមទាំងមេប៉ុស្តិ៏ មេភូមិ ស្មៀន
នាព្រឹកថ្ងៃទី៣ខែកុម្ភ: ឆ្នាំ២០២៣ ឯកឧត្ដមញ៉ែម សាម៉ន លេខាធិការក្រុមសមាជិកព្រឹទ្ធសប្រចាំភូមិភាគទី៨ បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំកោះសំពាយ ព្រមទាំងមេប៉ុស្តិ៏ មេភូមិ ស្មៀន នៃស្រុកសៀមបូក ខេត្តស្ទឹងត្រែង ដោយឯកឧត្ដមបានរម្លឹកអពីតួនាទីភារកិច្ច និងការទទួលខុសត្រូវរបស់ថ្នាក់ដឹកនាំមូលដ្ឋាន ភូមិ ឃុំ ត្រូវតែខិតខំបម្រើប្រជាជនឱ្យអស់ពីកម្លាំងកាយចិត្ត ជាពិសេសការថែរក្សាសន្តិសុខសណ្ដាប់ធ្នាប់សាធារណ: ការបម្រើសេវាសាធារណ: និងការអភិវឌ្ឍមូលដ្ឋានឱ្យបានល្អប្រសើរ ជាមួយគ្នានេះដែរឯកឧត្ដមក៏បានចែកជូនក្រុមប្រឹក្សាឃុំ នូវឧបករណ៏តេស្តរហ័ស កូវីដ-១៩ ដែលជាអំណោយដ៏ថ្លៃថ្លារបស់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា ចំនួនមួយកេះធំផងដែរ ព្រមទាំងបាននាំយកនូវបណ្ដាំផ្តាំផ្ញើរសាកសួរសុខទុក្ខពីសំណាក់សម្ដេចប្រធានព្រឹទ្ធសភា សូមឲ្យក្រុមប្រឹក្សាឃុំត្រូវថែរក្សាឱ្យបាននូវសាមគ្គីភាពឯកភាពផ្ទៃក្នុងឱ្យបានល្អដើម្បីជាគំរូក្នុងការដឹកនាំនិងបម្រើប្រជាពលរដ្ឋនៅមូលដ្ឋានឃុំរបស់ខ្លួន ។
